《一秒拳王》
突破 一。千。萬。票。房。!
-
一千萬，好似係一個令人鼓舞嘅數字，電影嘅成本係幾多，我唔太清楚。但對於好多一般低成本嘅香港電影製作嚟講，一千萬其實連本都未回到，因為票房嘅一半，其實會比咗戲院。
-
每套電影都有自己嘅生命，上映之前，我完全估唔到電影可以破到千萬，甚至食住復活檔期，有機會破到1500萬。
-
一邊廂前兩日出咗《風再起時》香港國際電影節放映取消嘅消息，好多人都話同大陸嘅審查有關，搞到電影拖咗幾年都不見天日 ; 另一邊廂《一秒拳王》浩浩蕩蕩，本土口碑轟傳。
-
兩套作品，當然唔可以直接比較，無論《一秒拳王》幾受歡迎都好，喺而家嘅情況下，應該都無咩機會破到5000萬，甚至連3000萬都近乎無可能。而《風再起時》龐大製作，唔收返幾億就會蝕大本。
-
搞電影從來都係一種商業行為，拍好電影之餘，賺錢都重要，劍指大陸國際市場並無不可。但喺而家嘅政治社會氣氛之下，拍合拍片係咪真係想像中咁美好?會唔會奶完妥協完最後仍然會渣都無?會唔會任何講歷史同現實嘅電影都唔再比上畫?會唔會香港呢兩個字已經就係原罪? 呢堆問題，值得我哋深思。
-
亦當然，能夠自給自足，不假外求係最好的，每一套好嘅香港電影，都係對市場、對大家嘅一個試煉，共勉。
Search